山歌慰问灾区人 涯唔讲来大家知， 平远瀑雨变灾区。 涯唱山歌来慰问， 热心人士来支持。 热心人仕来支持， 看到灾情好伤悲。 汽枪贴布系粘铳/严重， 街道成了威尼斯。 街道成了威尼斯， 几多房屋崩撇哩。 灾民爱食冇哪煮， 冇坐冇眠冇哪企。 冇坐冇眠冇哪企， 涯去灾区看过哩。 桥梁冲断车冲走， 水库堤坝崩帛哩。 水灾无情人有情， 大家思量灾区人。 有心慰问去献唱， 山歌同佢补精神。 山歌同佢补精神， 热心人士像观音。 各地义工来带队， 出钱出力表善心。 七二二呀大灾情， 大家勉励灾区人。 纸画老虎唔使怕， 政府有法帮灾民。 政府重视受灾区， 市县领导都来哩， 带领干群官兵来援助， 高唱山歌赞扬佢。 崩屋崩路暂艰辛， 老天有意考验人。 另日灾区重建好， 灾区面貌日日新。 另日灾区面貌新。 演唱：山歌小伙李仁欢 作词：林骏乔，李仁欢 摄像制作：吴先达 策划：红豆林